“Hacı Əbdül kimdir ki, biz onun fikirlərinə münasibət bildirək. O, çox söz deyə bilər”
Bunu Simsar.az-a açıqlamasında Dini Qurumlarla İş üzrə Dövlət Komitəsinin mətbuat katibi Orxan Əli deyib. O, Mübariz Qurbanlının hazırda məzuniyyətdə olduğunu deyib.
“Mübariz Qurbanlı işdə deyil məzuniyuyətdədir. Hacı Əbdülün dedikləri haqda danışmaq istəmirəm”.
Qeyd edək ki, “Tövbə” cəmiyyətinin sədri Hacı Əbdül “Yeni Müsavat” qəzetinə açıqlamasında yas mərasimlərinə qadağa qoyulduğu üçün Dini Qurumlarla İş üzrə Dövlət Komitəsinin sədri Mübariz Qurbanlını ittiham edib:
“Rayonlara yas mərasimlərinə getmək, başsağlığı vermək lazım deyil. Mən çox təəccübləndim. Necə yəni, yas uzaq rayondadırsa, getmək lazım deyil? O, bir şeyi bilmir ki, hüzr yerinə getmək, hüzr sahibinin yanında olmaq ona təskinlik verməkdir, arxa-dayaq olmaqdır. Mən təəccübləndim və belə qənaətə gəldim ki, bu adam vəhhabilərin yolunu gedir. Vəhhabilər də deyir ki, adam öldü, dəfn elə, başqa heç nə lazım deyil, nə yas məclisi qur, nə yad elə, nə qəbir üstə get. Bu mənada mən çox təəssüflənirəm ki, dindən başı çıxmayan adamları gətirib rəhbər qoyurlar”.
Digərxəbərlər
Populyar xəbərlər
