Avropa İttifaqı Şurasının prezidenti Donald Tuskun iyulun 22-də Bakıya etdiyi səfər Misir mətbuatında geniş işıqlandırılıb
Azərbaycanın Misirdəki səfirliyinin dəstəyi ilə bu ölkənin Yaxın Şərq Xəbərlər Agentliyi və “Əl-Yaum Əs-Sabi” kimi nüfuzlu internet qəzetində səfər barədə məlumat verilib.
Məlumatda Avropa İttifaqının Azərbaycanın ərazi bütövlüyünü, müstəqilliyini və suverenliyini dəstəklədiyi, Avropa İttifaqı və ona üzv olan ölkələrin qondarma “Dağlıq Qarabağ Respublikası”nı tanımadıqları, status-kvonun qəbul edilməz olduğu vurğulanıb.
Həmçinin, yazıda Dağlıq Qarabağ münaqişəsinin sülh yolu ilə nizamlanmasının Avropa İttifaqı üçün prioritet olaraq qaldığı, ATƏT-in Minsk qrupu həmsədrlərinin vasitəçilik səylərinin dəstəklənməsinin davam etdiyi xüsusi qeyd edilib. (gun.az)
pia.az