"Ekstremistlərə qoşulan Rusiya vətəndaşları bəzən tranzit ölkə kimi Azərbaycandan istifadə edirlər"
APA-nın “RİA Novosti”yə istinadən verdiyi məlumata görə, bunu Rusiya Milli Antiterror Komitəsi aparat rəhbərinin müavini Yevgeni İlyin deyib.
Onun sözlərinə görə, Rusiya vətəndaşları həmçinin Belarus və Ukraynaya istirahət, biznes, təhsil bəhanəsi ilə gedərək terrorçulara qoşulurlar. Y. İlyin əlavə edib ki, həmin şəxslər ekstremistlər olan yerlərə getmək üçün Türkiyə və Misirdən də istifadə edirlər: “Təxminən 3 min rusiyalı beynəlxalq terror təşkilatlarına qoşulmaq məqsədi ilə ölkəni tərk edib. Terrorçulara qoşulanların əksəriyyəti Şimalı Qafqaz respublikalarının sakinləridir”.
Y. İlyin onu da qeyd edib ki, ekstremistlərə simpatiya bəsləyənlərin əksəriyyətinin maddi problemləri var. Onlar əsasən təhsil almamış yaşı 30-dək olan gənclərdir.
pia.az
Digərxəbərlər
Populyar xəbərlər
