Azərbaycan prezidenti İlham Əliyev və Ermənistan prezidenti Serj Sərkisyan Dağlıq Qarabağ münaqişəsinə dair danışıqlar aparmaq üçün əvvəlcədən nəzərdə tutulan görüş yerini dəyişdiriblər
Virtualaz.org saytı xəbər verir ki, bu haqda Ermənistan XİN-dəki mənbə “Qraparak” qəzetinə bildirib.
Prezidentlər həmçinin görüşün başqa vaxta keçirilməsini qərarlaşdırıblar.
“Paris artıq bu görüşün keçirilməsi üçün məqsədəuyğun məkan deyil”- deyə mənbə Fransa paytaxtında baş vermiş terror aktlarını nəzərdə tutaraq deyib.
Gözlənilirdi ki, Azərbaycan və Ermənistan prezidentləri Parisdə dekabrın əvvəlində keçiriləcək qlobal iqlim dəyişikliyi sammiti çərçivəsində görüşəcəklər. Lakin aydın olmur ki, Fransa paytaxtında bu terror hücumlarından sonra beynəlxalq sammit keçirmək mümkün olduğu halda Azərbaycan və Ermənistan dövlət başçılarının ikitərəfli görüşünün təşkili təhlükəsizlik baxımından niyə riskli hesab edilib.
İlham Əliyevlə Serj Sərkisyan arasında bir ildən sonra baş tutacaq ilk görüşdə Rusiyanın Qarabağ münaqişəsinə dair tərəflərə təqdim etdiyi yeni təkliflərin müzakirə olunacağı gözlənilir. Bu təklifləri xarici işlər naziri Sergey Lavrov noyabrın 9-da İrəvana səfəri zamanı təqdim edib.
Planın detalları məlum olmasa da orada ərazilərin qaytarılması elementinin yer aldığı bildirilir. Azərbaycan tərəfi isə bildirib ki, Rusiya Minsk Qrupu həmsədrləri adından bu planı təqdim edib.
pia.az
Digərxəbərlər
Populyar xəbərlər
