Azərbaycan Beynəlxalq Universitetinin sabqi rektoru Elşad Abdullayevə hədə-qorxu gəlməklə pul tələb etməkdə təqsirləndirilən qardaşı oğlu Abdullayev Mübariz Aslan oğlu barəsində olan məhkəmə qərarından kasasiya şikayəti verilib
PİA.AZ xəbər verir ki, bu barədə virtualaz.org saytına vəkil Nəvaid Abbasov məlumat verib.
Vəkil kasasiya şikayətinin Ali Məhkəməyə təqdim edildiyini deyib. N.Abbasovun bildirdiyinə görə, kasasiya şikayətinə bir ay müddətində baxılacaq.
Qeyd edək ki, M.Abdullayev əmisi Elşad Abdullayevdən külli miqdarda pul tələb etməkdə təqsirləndirilib. O, Cinayət Məcəlləsinin 182.3.2-ci (hədə-qorxu yolu ilə külli miqdarda pul tələb etmə) maddəsi ilə ittiham olunub.
M.Abdullayev Lənkəran Ağır Cinayətlər Məhkəməsinin hökmü ilə 10 il müddətinə azadlıqdan məhrum edilib. Lakin hökmdən narazı qalan M.Abdullayev apelyasiya şikayəti verib. Şirvan Apelyasiya Məhkəməsi isə birinci instansiya məhkəməsinin hökmünü qüvvədə saxlayıb.