Hüquq-mühafizə orqanları tərəfindən axtarılan və qeyri-rəsmi məlumatlara görə Bakıdakı xarici səfirliklərdən birinə sığındığı iddia olunan hüquq müdafiəçisi, Reportyorların Azadlıq və Təhlükəsizlik İnstitutunun (RATİ) rəhbəri Emin Hüseynovdan xəbər var.
Onun rəhbərlik etdiyi RATİ jurnalist İlqar Nəsibovla bağlı Avropa Şurasının ünvanına bəyanat yayıb və baş verənlədən şok və sarsıntı hissi keçirdiyini bildirib.
Virtualaz.org xatırladır ki, E.Hüseynovun RATİ-sinin fəaliyyəti xeyli vaxtdır dayandırılıb, avadanlıqları müsadirə olunub, ofisin qapıları möhürlənib və rəhbər özü isə qeybə çəkilib. Ancaq həmin bəyanatdan görünür ki, bütün bunlar onun hətta gizlində belə fəaliyyətini davam etdirməsinə mane olmayıb. E.Hüseynovun institutu bəyanatında bildirir ki, baş verənlər “repressiyaya göz yummağa davam edən Avropa Şurası üçün “oyadıcı bir zəngdir””.
Amma bəyanatda təəssüf və incikliklə vurğulanır ki, onlar hələ də kəskin bir bəyanat görməyiblər.
RATİ həmçinin, Avropa Şurasını və ayrı-ayrı üzv dövlətləri Azərbaycanda insan hüquqlarının vəziyyətinə göz yummamağa və baş verənləri pisləməyə çağırıb.
Digərxəbərlər
Populyar xəbərlər
