Natiq Miri: “Rusiyanın qırıcı təyyarəsini vurulmasından sonra mən rus rəsmilərinin boğazdan yuxarı açıqlamalarından başqa adekvat bir şey görmədim”
“Əgər bu siyasi və hərbi qüdrət Türkiyədə olmasa idi, bugünə qədər bütün dünyanı öz dağıdıcı gücü ilə çaşdıran Rusiyanın qırıcı təyyarəsini vurandan sonra sözdə deyil, əmməldə Rusiya Türkiyəyə qarşı nəsə edərdi”.
Bu fikirləri PİA.AZ-a Azərbaycan Milli Strateji Təhqiqatlar Mərkəzinin sədri Natiq Miri Rəcəb Tayyib Ərdoğanın Bakı səfərindən əvvəl səsləndirdiyi “Azərbaycan sizə nə Gürcüstandır, nə də Ukrayna”, bəyanatına münasibətini şərh edərkən qeyd edib.
Xatırladaq ki, son vaxtlar Azərbaycan-Ermənistan münaqişəsi ilə bağlı müxtəlif mövqelərdən bəyanatlar eşidilir. Bu da bu məsələnin region üçün nə qədər önəmli olduğunu göstərir. Xüsusi ilə Türkiyə prezidenti Rəcəb Tayyib Ərdoğanın son bəyanətı diqqət cəlb edib. Xatırladaq ki, Türkiyə lideri Ermənistan və Rusiya rəhbərliyinə “Azərbaycan sizə nə Gürcüstandır, nə də Ukrayna”, mesajını verərək, Rusiya prezidenti Vladimir Putinə bir daha meydan oxumaqdan çəkinməyib. Hər zaman Azərbaycanın yanında olan qardaş ölkə Rusiyaya və Ermənistana açıq şəkildə meydan oxumaq üçün siyasi-hərbi qüdrəti varmı, yoxsa bu bəyanatı sadəcə populist xarakterli çıxış olaraq dəyərləndirilməlidir?
Natiq Miri: “Əgər bu siyasi və hərbi qüdrət Türkiyədə olmasa idi, bugünə qədər bütün dünyanı öz dağıdıcı gücü ilə çaşdıran Rusiyanın qırıcı təyyarəsini vurandan sonra sözdə deyil, əməldə Rusiya Türkiyəyə qarşı nəsə edərdi”.
PİA.AZ-ın əməkdaşı bu mövzunu Azərbaycan Milli Strateji Təhqiqatlar Mərkəzinin sədri, politoloq Natiq Miri ilə müzakirə edib. Politoloqun fikrincə, bu açıqlama Türkiyə ilə Azərbaycan arasında strateji müttəfiqliyin ən üst səviyyəyə çıxmasının, eyni zamanda Azərbaycanın güclü dövlətinin və nizami hərbi orduya malik olduğunun sübut edən faktdır:
“Bu bəyanat eyni zamanda Türkiyənin sonadək Azərbaycanın yanında olacağını göstərir. Bu açıqlama göstərir ki, Türkiyə ilə Azərbaycan arasında strateji müttəfiqlik ən üst səviyyəyə çıxıb.Türkiyə prezidentinin bu bəyanatı həmçinin Azərbaycanın güclü dövlətinin və nizami hərbi orduya malik olduğunun sübut edən faktdır.
Ərdoğanın bu bəyanatı ilə 3 məsələyə toxunur:
1.Azərbaycanın güclü dövlət olduğunu nəzərə çatdırır;
2.Güclü, nizamı bir orduya malik olduğuna işarə vurur;
3.Azərbaycan arxasında güclü, regional gücü olan Türkiyənin durduğuna işarə edir. Bu 3 əsas amili vurğulayaraq Azərbaycanın Nə Gürcüstan, nə də Ukrayna olmadığını bildirir.
Əgər bu siyasi və hərbi qüdrət Türkiyədə olmasa idi, bugünə qədər bütün dünyanı öz dağıdıcı gücü ilə çaşdıran Rusiyanın qırıcı təyyarəsini vurandan sonra sözdə deyil, əmməldə Rusiya Türkiyəyə qarşı nəsə edərdi.
Rusiyanın qırıcı təyyarəsini vurulmasından sonra mən rus rəsmilərinin boğazdan yuxarı açıqlamalardan başqa adekvat bir şey görmədim. Buda bilavasitə Türkiyənin qüdrətini göstərən faktdır”.
Sübü Əzizova
pia.az