Polis formasında bir qrup insan Gümrüdə siyasi dustaq Şanta Artunyanın 17 yaşlı oğlu Şaqeni oğurlayaraq polis avtomobilində saxlayır
Virtualaz.org erməni KİV-ə istinadən bildirir ki, bu barədə Facebook səhifəsində Gümrü Ağsaqqallar Şurasının üzvü Levon Barseqyan yazıb.
"Mən Şaqen ilə telefonla danışdım. O bildirdi ki, Gümrü mərkəzi meydanı yaxınlığında bir qrup insan onu qaçırıb və naməlum istiqamətə aparır", - deyə Levon Barseqyan yazıb.
Yerevan Ağsaqqallar Şurasının üzvü, "İrs" partiyasının təmsilçisi David Sanasaryan sosial şəbəkəsində hadisəyə münasibət bildirib: "Şaqen Roma Papasına bildirmək istəyirdi ki, Ermənistanda təqribən 20 siyasi məhbus var. Bu cür davranış insan hüquqlarının kobud şəkildə pozulmasıdır. Amma polis onu oğurlayaraq bunu etməsinə imkan vermədi".
pia.az