Azərbaycanın işğal olunmuş Dağlıq Qarabağ bölgəsində xalça toxunması ilə məşğul olan “Qarabağ karpet” şirkəti xarici ölkələrdə, o cümlədən ABŞ-ın Los-Anceles şəhərində nümayəndəlik açacaq. Modern.az saytı erməni KİV-lərinə istinadən xəbər verir ki, bu barədə şirkətin direktoru Sevak Xaçatryan bildirib. Onun sözlərinə görə, Yerevan və Los-Ancelesdəki nümayəndəliyin açılışı bu il baş tutacaq.
Xaçatryan əlavə edib ki, yaxın illər ərzində ipəkçilik və toxuculuq sahələrində 500 yeni iş yerinin açılması planlaşdırılır. Xarici ölkələrə xalça ixracını təmin etmək üçün Dağlıq Qarabağdakı separatçı rejim Xankəndində sovet dövründən fəaliyyət göstərən ipəkçilik kombinatının fəaliyyətini qismən bərpa edib. Kombinatda 150 nəfərə qadının xalça toxuma işi ilə məşğul olduğu bildirilib. Bundan başqa Şuşada, Laçında və Ağdərənin Çartar kəndində də “Qarabağ karpet” şirkəti tərəfindən toxuculuq mərkəzləri fəaliyyətə başlayıb.
Digərxəbərlər
Populyar xəbərlər
