Ermənistan Milli Təhlükəsizlik Xidməti bu dəqiqələrdə xüsusi bəyanat yayıb
Virtualaz.org-un məlumatına görə, bəyanatda deyilir ki, silahlı qrup üzvlərinin cinayətkar davranışı getdikcə əndazəni daha çox aşır və daha təhlükəli xarakter alır.
Artıq ona təmkinlə yanaşmaq da qeyri-mümkündür. Bu qrup hüquq-mühafizə orqanlarının israrlı çağırışlarına baxmayaraq, öz cinayətkar əməllərini davam etdirir, asayiş keşikçilərinin həyatına təhdid edir, dövlət əmlakına ciddi ziyan vururlar. Məhz onların hərəkətlərinin nəticəsi idi ki, iyulun 26-na keçən gecə atışma baş verdi və qan töküldü.
Milli Təhlükəsizlik Xidməti xəbərdarlıq edir ki, silahlı qrupun üzvləri öz cinayətkar əməllərindən əl çəkməsələr onlara qarşı ən sərt tədbirlərə əl atılacaq.
Ermənistan xüsusi xidmət qiyamçılar arasındakı söhbətin səsyazıaını da yayıb.
pia.az