Ermənistan Metsamor AES-nin yeni enerji bloku üçün bir-iki il ərzində layihə seçməlidir
Avropa.info xəbər verir ki, bu barədə açıqlamanı Ermənistanın Energetika və Təbii Ehtiyatlar naziri Areq Qalstyan verib.
“Bizim təxminən 10 ilimiz var ki, həmin yerdə tikintiyə başlayaq. Qərara gəldik ki, bu təzyiqli su enerji reaktoru olacaq. Bizin maksimum bir ya iki ilimiz var ki, qəti qərar verək” – Qalstyan belə deyib.
Qeyd edək ki, Yerevandan 30 km məsafədə yerləşən Metsamorun hal-hazırda yalnız ikinci bloku fəaliyyət göstərir.
Ermənistanın enerji tələbatının 30-35%-ni ödəyən AES region üçün ekoloji təhlükə sayılır.
pia.az