Ermənistan prezidenti Serj Sarkisyan Sankt-Peterburqda ATƏT-in Minsk qrupu həmsədrləri rusiyalı İqor Popov, amerikalı Ceyms Uorlik, fransalı Pyer Andryu və ATƏT-in fəaliyyətdə olan sədrinin şəxsi nümayəndəsi Anjey Kaspşiklə görüşüb
APA-nın “news.am”a istinadən verdiyi məlumata görə, S. Sarkisyan Sankt-Peterburqda keçirilən sammit barədə təəssüratlarını bölüşüb.
Xatırladaq ki, ötən gün Azərbaycan, Rusiya və Ermənistan prezidentlərinin Sankt-Peterburqda Dağlıq Qarabağ münaqişəsinin həlli ilə bağlı üçtərəfli görüşü keçirilib. Görüşün sonuna ATƏT-in Minsk qrupu həmsədrləri də qatılıb.
Sonda prezidentlərin birgə bəyanatı qəbul olunub.
pia.az