Azeri Daily (azeridaily.com) informasiya-analitik saytı bu gün fəaliyyətə başlayıb
Virtualaz.org saytı xəbər verir ki, ingilisdilli portal Azərbaycanda gedən ictimai-siyasi prosesləri və sosial-iqtisadi vəziyyəti işıqlandıracaq. Portalda Qafqaz regionunda baş verənlərə, həmçinin dünyada baş verən daha əhəmiyyətli hadisələrə də xüsusi yer ayrılacaq.
Sayt ilk iş günündə eksklüziv materiallarını, o cümlədən Eynulla Fətullayevin “İlham Əliyevin üstünə gör kimlər gəlir...” adlı analitik məqaləsini, Yaxın Şərq və Fars Körfəzi Regionunun Hərbi Təhlili İnstitutunun tədqiqat departamentinin direktoru Teodor Karasikin müəllif yazısını, Sidqi Şövkətin “Vidalaşmırıq, Bakı” adlı publisistik məqaləsini təqdim edib. Saytda ölkədə, regionda və dünyada baş verən ən əhəmiyyətli hadisələrə dair xəbərlər də yer alıb.
Oxucuların tanış olması üçün yeni ingilisdilli saytın elektron adresini təqdim edirik: http://www.azeridaily.com.
Onu da qeyd edək ki, azeridaily.com saytının təsisçisi Eynulla Fətullayevdir.