Dünən Böyük Britaniyada baş tutan Avropa Birliyi referendumunda birlikdən ayrılma qərarının qəbul olunması, Avropalı sağçı liderləri həddindən artıq ümidləndirib
PİA.AZ xəbər verir ki, Fransadakı ultrasağ Milli Cəbhənin lideri Marine Le Pen, referendum nəticələrini rəsmi şəkildə açıqladıqdan sonra Fransada da referendum keçirilməsi təklifini irəli sürüb.
Marine Le Pen, Twitterdaki şəxsi hesabında "Azadlığın zəfəri eynilə istədiyim kimidir. İndi referendum sırası Fransada və digər AB ölkələrindədir", şərhini paylaşıb.
Xarici mənbələrə verdiyi açıqlamada Avropanın siyasi elitasının da məğlubiyyətini vurğulayan Hollandiyanın ultra sağ "Azadlıq" Partiyasının lideri Geert Vilders isə iyunun 23-nün tarixə "müstəqillik günü" olaraq keçəcəyini söyləyib.
İtaliyada AB əleyhdarı Şimali Birlik Partiyasının lideri Matteo Salvini, referendumun nəticəsi dəqiqləşəndən sonra sosial şəbəkə hesabından mövzu ilə bağlı açıqlama edib.
Matteo Salvini öz yazdığı açıqlamada "Yaşasın azad vətəndaşların cəsarəti. Ürək, ağıl və qürur, yalan, təhdid və şantaja qalib gəlir. Təşəkkürler Birləşmiş Krallıq. İndi sıra bizdədir", deyə vurğulayıb.
pia.az
Digərxəbərlər
Populyar xəbərlər
