Gəncədə Gəncə şəhər İcra Hakimiyyətinin dəstəyi, Gənclər üçün Təhsil Mərkəzi Gəncə Regional Ofisi və Aura Park Ticarət və Əyləncə Mərkəzinin birgə təşkilatçılığı ilə “Müstəqilliyimiz Əbədidir!” adlı uşaq və gənclərin bayram konserti keçirilib
Tədbirdə şəhər ictimaiyyəti, dövlət və qeyri dövlət təşkilatlarının nümyəndələri, əlilliyi olan gənclər və s. iştirak ediblər. Konsertin əvvəlində Azərbaycan Respublikasının Dövlət Himni səsləndirilib.
Daha sonra mərkəzin rəhbəri Aygün Həsənzadə, Gəncə şəhər İcra Hakimiyyətinin rəsmisi Kənan Məmmədov və Aura Park Ticarət və Əyləncə Mərkəzinin rəsmi nümayəndəsi Orxan Mehdiyev də çıxış edərək, tədbir iştirakçılarını salmlayıblar. Çıxışlarda Müstəqil Azərbaycanın keçdiyi keçməkeşli həyat yolundan, 1991-ci il oktyabrın 18-də Azərbaycan Respublikası Ali Sovetinin sessiyasında "Azərbaycanın dövlət müstəqilliyi haqqında Konstitusiya Aktı"ndan, bu mühüm tarixi sənədlə xalqımız uzun illərdən bəri həsrətində olduğu azadlığına qovuşmasından, müstəqilliyimizin qazanılmasında və qorunub saxlanılmasında Ulu Öndər Heydər Əliyevin rolundan geniş bəhs ediblər.
Daha sonra tədbir Gəncə Uşaq Evi, “PENDİK” Elitar Uşaq İnkişaf Mərkəzi, Gəncə şəhər 3 saylı uşaq baxçası, Samux şəhər 3 saylı Uşaq Baxçası və digər uşaq rəqs qruplarının , İstedadlı gənclərin ifaları ilə davam edib.