Burnundan əməliyyat olunarkən dünyasını dəyişən 17 yaşlı Aygül Orucovaya narkoz verən anestezioloq-həkimin döyüldüyü üçün “reanimasiyaya yerləşdirildiyi” barədə xəbər yalan çıxıb
Axar.az xəbər verir ki, social şəbəkələrdə yayılan fotoda həkimin gənc qızın qohumları tərəfindən döyüldüyü əks olunub, gözünün altı şişib. Lakin deyildiyi kimi, “ağır xəsarətlər alan” həkimin tibb müəssisəsinin reanimasiya şöbəsinə yerləşdirilmədiyi aydınlaşıb.
Xatırladaq ki, Gəncə şəhərində yerləşən "Yeni Gəncə” tibb mərkəzində Aygül Orucova burnundan estetik əməliyyat edilən zaman narkozdan ayılmayıb. O, bu il 601 bal toplayaraq Bakı Dövlət Universitetinə daxil olmuşdu.
Gəncə şəhər Prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsilə cinayət işi başlanıb.
Ölənin qohumların tərəfindən döyülən həkimlərin “reanimasiyaya yerləşdirildiyi” barədə xəbər də yayılmışdı.
pia.az