Azərbaycan prezidenti İlham Əliyev qırğızıstanlı həmkarı Almazbek Atambayevi ölkəsinin milli bayramı münasibəti ilə təbrik edib
APA-nın məlumatına görə, dövlət başçısının məktubunda deyilir:
“Hörmətli Almazbek Şarşenoviç, Milli bayramınız – Müstəqillik Günü münasibətilə Sizi və bütün Qırğızıstan xalqını Azərbaycan xalqı adından və şəxsən öz adımdan ürəkdən təbrik edirəm. Əminəm ki, xalqlarımızı bir-birinə bağlayan çoxəsrlik dostluq telləri və xeyirxah ənənələr bundan sonra da Azərbaycan-Qırğızıstan ikitərəfli münasibətlərinin genişlənməsi üçün əsas olacaqdır. Hörmətli Almazbek Şarşenoviç, Sizə möhkəm cansağlığı və uğurlar, qardaş Qırğızıstan xalqına sülh və firavanlıq diləyirəm”.