İngiltərə yığmasının baş məşqçisi Sem Ellerdays korrupsiyada günahlandırılır
Apasport.az saytı xəbər verir ki, bu, “The Daily Telegraph” nəşrinin apardığı araşdırmalar nəticəsində üzə çıxıb.
Nəşrin əməkdaşları özlərini asiyalı biznesmen kimi qələmə verərək, Ellerdaysa İngiltərə “transfer bazarı”nda fırıldaqla pul qazanmaq istədiklərini bildiriblər. Məşqçi ilə danışıq kameraların yaddaşına həkk olunub.
61 yaşlı mütəxəssis 518 min dollar qarşılığında onlara kömək etməyə razılıq verib. O, bu yolla İngiltərə Futbol Assosiasiyasının üçüncü şəxslərə idmançıların iqtisadi hüquqlarına sahib olması ilə bağlı qadağadan yan keçməsinə yardımçı olmalı idi. Görüş zamanı Ellerdays yığmadakı sələfi Roy Hocsonu, həmçinin futbol assosiasiyasını tənqid edib.
Assosiasiyanın nümayəndələri hadisəyə şərh verməyiblər. Onlar “The Daily Telegraph”a müraciət ediblər ki, transfer danışığı ilə bağlı kamera görüntüsünü quruma göndərsin.
Qeyd edək ki, Ellerdays iyulun 22-dən İngiltərə yığmasının baş məşqçisidi. Müqaviləyə görə, o, ildə 3,9 milyon dollar qazanır.
pia.az
Digərxəbərlər
Populyar xəbərlər
