YAP üzvü, 25 ildir Şəki Qaz Istismar Idarəsində müxtəlif vəzifələrdə işləyən Vasif Babayev “Azadlıq”a şikayət məktubu ünvanlayıb.
O, məktubunda yazır ki, hələ 36 yaşı olarkən baş direktorun müavini vəzifəsində işləyib. Şikayətçinin sözlərinə görə, idarənin rəisi Taleh Şahmuradov Əmək Məcəlləsini pozaraq, onu işdən azad edib.
“Işdən evə gələndə poçt işçisi əmr və əmək kitabçasını mənə verdi. Bu haqsızlığa dözə bilmədim, infarkt keçirdim. Qanunsuz işdən çıxarılmağımla bağlı bütün dövlət qurumlarına, deputatlara, o cümlədən ”Azəriqaz" Istehsalat Birliyinə müraciətlər ünvanlamışam. Ancaq indiyə qədər heç bir nəticəsi olmayıb. “Azəriqaz” eyni məzmunlu məktubu mənə və idarəyə göndərməklə kifayətlənib", - deyə Vasif Babayev şikayət məktubunda yazır.
Şikayətçi onu da qeyd edir ki, idarənin hazırkı rəisi Taleh Şahmuradov vaxtilə vəzifəsinin öhdəsindən gələ bilmədiyinə görə, keçmiş rəis tərəfindən 2008-ci ildə işdən azad olunmuşdu: “Müəmmalı şəkildə o, 2010-cu ildə idarənin rəisi oldu və bütün qohumlarını rəhbər vəzifələrə təyin etdi”.
Digərxəbərlər
Populyar xəbərlər
