Sumqayıt şəhərində qanlı cinayət baş verib
Sumqayıt şəhərində qətl hadisəsi baş verib. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, hadisə Sumqayıt şəhərinin Kimyaçılar qəsəbəsi ərazisində qeydə alınıb.
Belə ki, Kamil Məmmədov münaqişə zəminində qonşusu Rasim Əliyevə bir neçə bıçaq xəsarəti yetirib. Ağır yaralanan Rasim Əliyev xəstəxanaya aparılarkən yolda ölüb.
Qətli törədən Kamil Məmmədov hadisə yerindən qaçaraq gizlənmək istəyib. Lakin Sumqayıt şəhər Polis İdarəsinin 2-ci polis bölməsinin əməkdaşları tərəfindən keçirilən əməliyyat zamanı Kamil Məmmədov tutulub.
Araşdırmalar zamanı məlum olub ki, K.Məmmədov əvvəllər də adam öldürmək üstündə məhkumluq həyatı yaşayıb. Onunla qonşu arasında basş verən münaqişənin isə səbəbləri istintaqdan sonra məlum olacaq.
Fakt üzrə cinayət işi başlanılıb, araşdırma aparılır.