Ermənistanın daxili siyasətində sabiq partiyadaşlar arasında yeni böhran başlaya bilər
Azvision.az erməni KİV-nə istinadən bildirir ki, sabiq xarici işlər naziri Vardan Oskanyan özünə yeni partiya yaradır və keçmiş silahdaşlarını ora cəlb etməyə çalışır:
"Məsələ burasındadır ki, formal olaraq "Çiçəklənən Ermənistan" parlament fraksiyasında olan sabiq xarici işlər naziri Oskanyanın tərəfdarları son zamanlar aktiv formada partiyanın sıralarını tərk edən deputatları öz tərəflərinə çəkərək yeni yaradılan "Birləşmə" partiyasına cəlb etmək istəyirlər. Başqa sözlə, Oskanyan "sabiqlər"in əsasında yeni partiya yaradır.
"Çiçəklənən Ermənistan"ın sabiq üzvləri ilə yanaşı, Oskanyanın komandası Robert Koçaryanın dövründə yüksək vəzifə tutan, lakin sonradan vəzifələrini itirən ictimai xadimləri də öz tərəflərinə çəkməyə çalışır. Bunlar "Çiçəklənən Ermənistan" partiyasında hiddətə səbəb olub. Məsələ o yerə çatıb ki, partiyanın sədri Naira Zöhrabyan öz sabiq partiyadaşlarına bu işi dayandırmağı tapşırıb".
Ümumilikdə qeyd olunur ki, Oskanyan Koçaryanın keçmiş komandasını ətrafına toplayaraq hazırkı prezident Serj Sarkisyana qarşı güclü cəbhə yaratmaq niyyətindədir.
pia.az
Digərxəbərlər
Populyar xəbərlər
