"Yayılan xəbərlər siyasi təxribat xarakterli şayiədən başqa bir şey deyil"
"Azərbaycan ilə Türkiyə arasında sadələşdirilmiş viza rejiminin tətbiqində heç bir dəyişiklik yoxdur".
ANS PRESS-in məlumatına görə, bunu Azərbaycanın Türkiyədəki səfirliyinin konsulu Şöhrət Mustafayevin AzərTAc-a bildirib.
Onun sözlərinə görə, iki qardaş ölkə arasında mövcud sadələşdirilmiş viza rejimi bu günə qədər tətbiq olunduğu qaydada davam etdirilir. Viza rejiminin dəyişdirilməsinə dair səfirliyin mətbuat xidmətinə istinadla yayılmış məlumatlar siyasi təxribat xarakterli şayiədən başqa bir şey deyil.
Qeyd edək ki, bu gün bir sıra kütləvi informasiya vasitələrində 2014-cü il 1 sentyabr tarixindən etibarən Azərbaycanla Türkiyə arasında qüvvədə olan bir illik və çoxgirişli Azərbaycan vizası verilməsi qaydasının ləğv edildiyi haqda məlumat yayılmışdı. Yeni qaydaya əsasən Türkiyə vətəndaşları 1 illik viza ilə Azərbaycana yalnız bir dəfə səfər edə bilər.