Antonio Konte "Chelsea"nin təcrübəli müdafiəçiləri Qari Kehill və Branislav İvanoviçin çıxışından narazı qalıb. Xüsusilə "Arsenal"la oyunda (0:3) onların çoxsaylı səhvləri italyan mütəxəsisin səbrini daşırıb
Goal.az "Daily Mail"ə istinadən xəbər verir ki, Konte qış transfer pəncərəsi açılan kimi iki mərkəz müdafiəçisi axtaracaq. "Chelsea"nin skautları 23 yaşlı iki futbolçunu Maykl Kin (Burnley) və Ben Qibsonu (Middlesbrough) gözaltı edib.
Kehill və İvanoviçə isə yeni klub tapmaq tövsiyə olunacaq. Yaxın vaxtlarda "zadəganlar"ın kapitanı Con Terri və Kurt Zumanın zədədən qayıtması gözlənilir.
pia.az