Bu gün MMP-cilər Xocalı soyqırımı qurbanlarının xatirəsin yad ediliblər
Fevralın 26-da MMP ideoloji sahe ve metbuat məsələləri üzrə sədr müavini Könül Vaqifqızı,müşavir Əli İmanov, MMP-cilər və QHT- ci xanımlar Xocalı faciəsinin 25-ci ildönümü ilə əlaqədar Bakıda Xocalı soyqırımı qurbanlarının xatirəsinə ucaldılmış “Xocalı” abidəsini ziyarət ediblər və abidənin önünə gül dəstələri qoyublar.
Azərbaycan xalqının tarixinə qanlı faciə kimi daxil olmuş, XX əsrin ən dəhşətli soyqırımı hesab olunan Xocalı qətliamının dünya ictimaiyyətinə çatdırılması istiqamətində MMP-cilər bütün zəruri addımları atır. Faciə ilə əlaqədar dəhşətli faktlar aparılan işlər sayəsində geniş beynəlxalq ictimaiyyətə çatdırılıb.
Xatırladaq ki, 1992-ci il fevralın 25-dən 26-na keçən gecə silahlı erməni dəstələri keçmiş sovet ordusunun Xankəndidə yerləşən 366-cı motoatıcı alayının ağır texnikası və şəxsi heyətinin köməyi ilə Azərbaycanın qədim Xocalı şəhərinin üzərinə hücum edib və onun dinc əhalisinə amansızcasına divan tutublar.
pia.az