Məişət zorakılığı ilə bağlı statistika açıqlandı

"Bu ilin 6 ayı ərzində məişət zorakılığı ilı bağlı Daxili İşlər Nazirliyinin yerli şöbələrindən komitəyə 90 fakt təqdim edilib"

Bunu Ailə, Qadın və Uşaq Problemləri üzrə Dövlət Komitəsinin İctimaiyyətlə əlaqələr şöbəsinin müdiri Elgün Səfərov bildirib.

Onun sözlərinə görə, bütün respublika üzrə komitəyə 280 belə fakt daxil olub: “Göndərilən müraciətlərin hamısı fiziki zoraklılğı əhatə edir. Digər zoirakılıqlarlal bağlı məlumatlar təqdim edilməyib. Nərimanov, Xətai, Nəsimi, Yasamal rayonlarında belə bir faktı belə yoxdur”.

Elgün Səfərov bildirib ki, yeli icra hakimiyətləri tərəfindən verilən məlumatlarda isə məişət zorakılığına dair faktlar yoxdur: “Bunlar Pirallahı, Sumqayıt, Qazax, Yardımlı, Abşeron, Xaçmaz, Ucar, Zərdab, Lənkəran, Şirvan, Ağdaş, Göyçay, Hacıqabul rayon icra hakimiyyətləridir. Onlar bildirib ki, bu rayonlarda heç bir zorakılıq qeydə alınmayıb. Həmin rayonlarda Daxili İşlər Nazirliyinin yerli şöbələrindən verilən məlumatda isə bu rayon və şəhərlərdə zorakılıq olduğu qeydə alınıb. Ümumiyyətlə fakt aşkarlanmayan regionlar da var".

Elgün Səfərov bildirib ki, zorakılıq törədənlərin əksəriyyəti kişilərdir. Onlar əsasən orta təhsillidir, zorakılıq törədənlər arasında ali təhsillilər 1-2% təşkil edir: “Eləcə də zorakılığa məruz qalanlardaha çox ibtidai və orta təhsillidir. Törədilən zorakılığın növü əsasən fiziki və cinayət tərkiblidir. Zorakılıqlar daha çox ər-arvad münasibətlərindən irəli gəlir”. (teleqraf.com)

pia.az