Tacikistanda məktəblilərə saqqal və uzun saç saxlamaq qadağan olunub
Oxu.Az-ın Avesta nəşrinə istinadən xəbərinə görə, şagirdlərə müvafiq tələblər ölkənin Elm və Təhsil Nazirliyinin rəsmi saytında yerləşdirilib.
Qeyd olunur ki, bu qaydalara riayət təhsil ocaqlarında şagirdlər arasında bərabərliyi təmin edəcək.
Qızlara məktəbdə hicab, qısa və dar geyimlər qadağandır. Həmçinin bir cütdən artıq sırğa, burun, boğaz və qaşlara bəzək əşyaları taxmaq və makiyaj etmək olmaz.
Həm oğlan, həm də qızlara cırıq cins, üzərində reklam və ya digər ölkənin simvolu olan köynəkləri geyinmək qadağan edilib. İdman geyimlərinə yalnız bədən tərbiyəsi dərslərində və ya iməcilik zamanı icazə verilir.
Oğlanlara həmçinin dırnaq saxlamaq, üzük və sırğa taxmaq qadağandır.
Bayramlar zamanı məktəblilərə rəsmi geyimlər tövsiyə olunur: tünd rəngli kostyum (qızların yubkaları dizdən aşağı olmalıdır) və ayaqqabı, ağ köynək, qalstuk.
Təhsil nazirliyi formaları yerli istehsalçılardan almağı məsləhət görür.
pia.az
Digərxəbərlər
Populyar xəbərlər
