Moskvada yaşayan bərdəli şair - publisist Əliş Əvəzin Bərdədə ziyalılarla göruşü keçirilib
Göruş Yeni Azərbaycan Partiyası rayon şöbəsinin iclas zalında keçirilmişdir. Görüşdə rayon ziyalıları, ictimaiyyət nümayəndələri, şair və yazıçılar, jurnalistlər iştirak edib
Görüşü giriş sözü ilə rayon İcra Hakimiyyətinin başçısı V.İ.İsayev açmış, Azərbaycandan kənarda azərbaycanlıları layiqincə təmsil edən şair publisist Əliş Əvəzin həyat və yaradıcılığından söhbət açıb.
Tədbirdə Azərbaycan Respublikası Mətbuat Şurasının sədri Əflatun Amaşov Əliş Əvəz haqqında geniş nitq söyləyib.
Tədbirdə çıxış edən şair Telmqan Hüseyn, şəhər 8 saylı tam orta məktəbin müəllimi Vəsilə Hüseynova şairin yaradıcılığı barədə çıxış ediblər.
Sonra Əliş Əvəz çıxış etmiş, Moskvadakı çoxsaylı vətənpərvər fəaliyyəti ilə bağlı tədbir iştirakçılarının suallarını cavablandırıb.
Əliş Əvəzə respublika Mətbuat Şurasının və rayon İcra Hakimiyyətinin qiymətli hədiyyələri təqdim olunub.
Sonda şəhər 3 saylı tam orta məktəbin şagirdləri şair Əliş Əvəzin şerlərindən kompozisiya təqdim ediblər.
pia.az