Mingəçevirdə mənzildə yataq xəstəsi olan bir nəfər bağlı qapı arxasında köməksiz qalıb
Mingəçevir şəhərində yaşayış evindən xəstə qadının meyiti aşkarlanıb. ANS PRESS-in FHN-nin saytına istinadən verdiyi xəbərə görə, Böhran Vəziyyətlərində İdarəetmə Mərkəzinə daxil olmuş məlumata əsasən, Mingəçevir şəhərində mənzildə yataq xəstəsi olan bir nəfər bağlı qapı arxasında köməksiz vəziyyətdə qalıb.
Hadisə yerinə dərhal Fövqəladə Hallar Nazirliyinin xilasetmə qüvvələri cəlb olunub. Yanğınsöndürən-xilasedicilər mənzilin giriş qapısını açaraq 1958-ci il təvəllüdlü Bayrmova Məleykə Abdulxəlil qızının meyitini aşkar etmiş və aidiyyəti üzrə təhvil vermişlər. Əməliyyat saat 20:38-da başa çatıb.
pia.az