Elton Məmmədov: “Bu ölkə gəncliyinin qarşısında geniş imkanlar açacaq”
“Cənab Prezident İlham Əliyevin “2015-2025-ci illərdə Azərbaycan gənclərinin İnkişaf Strategiyası”nı təsdiq edilməsi ilə bağlı sərəncamı ölkə gəncliyinin qarşısında geniş imkanlar açacaq”.
PİA.AZ bildirir ki, bu sözləri editor.az-a açıqlamasında Milli Məclisin deputatı Elton Məmmədov söyləyib.
Onun sözlərinə görə, son sərəncam ölkə gəncliyinə ənənəvi dövlət qayğısının davamıdır: “Bundan öncə gənclərlə bağlı müxtəlif proqramlar qəbul olunub, layihələr həyata keçirilib. Azərbaycanda gənclərin inkişafı, püxtələşməsi dövlət siyasətinin əsas istiqamətlərindən birini təşkil edir. Cənab Prezident İlham Əliyevin gəncliyə qayğısının nəticəsidir ki, bu gün istər dövlət, istər özəl, istərsə də ictimai sektorda gənclər önə çıxır, söz sahibinə çevrilirlər. Çox sevindirici haldır ki, Azərbaycan gəncliyi ölkədə həyata keçirilən islahatları dəstəkləyir və bu islahatların fəal iştirakçısına çevrilib. İnanıram və şübhə etmirəm ki, yeni sərəncamdan sonra gənclər arasında vətənpərvərlik hissləri daha da artacaq, ölkə gəncliyinin qarşısında daha geniş imkanlar açılacaq. Mən buradan üzümü gənclərimizə tutub, onları dövlətə və vətənə bağlı olmağa, hər bir fəaliyyətində dövlətçilik maraqlarını öndə tutmağa çağırıram”.
pia.az