İsveçdə yaşayan Azərbaycanın Milli Qəhrəmanı, polkovnik-leytenant Şahin Tağıyev Müsavat Partiyasında keçiriləcək başqan seçimlərində Tural Abbaslını dəstəklədiyini bəyan edib
Avropa.info xəbər verir ki, Milli Qəhrəmanın yaydığı bəyanatda deyilir:
"Hörmətli müsavatçılar bildiyimiz kimi, sentyabr ayının 27-də qurultayınız olacaq. Sizlərə uğurlar arzulayıram. Mən Müsavatın üzvü deyiləm. Ancaq sizi bu qurultayda düz seçim etməyə dəvət edirəm. Düşünürəm ki, siyasi partiyalar yeniləşməli və gəncləşməlidir. İlk olaraq,sizləri yeni bir gənci müsavat başqanlığına gətirməyə dəvət edirəm. Artıq belə bir layiqli gənciniz var.
Bu həyatın ən ağır sınaqlarından üzüağ çıxmış Tural Abbaslıdır. O, artıq bu çətin məsuliyyətin altına girmək üçün başqanlığa namizəddir. Hamınızı xüsusilə, gənc müsavatçıları düz seçim edib Tural bəyə səs verməyə çağırıram. Əgər doğrudanda istəyirsiniz ki, Müsavat lider partiya olsun, onun sadə bir yolu var. Tural bəyə səs verin. 27 sentyabrda keçiriləcək qurultayda edəcəyiniz seçimlərdə sizlərə uğurlar arzulayıram".
Qeyd edək ki, Şahin Tağıyev birinci Qarabağ savaşı dönəmində "Qurtuluş" Batalyonunun komandiri olub.