Rusiya müxalifətinin liderlərindən biri Boris Nemtsov Moskva şəhərində qətlə yetirilib
Müsavat Partiyası bununla bağlı bəyanat verib.
Bəyanatda deyilir:
“Rusiya Respublikaçılar Xalq Azadlıq Partiyası-Parnasın həmsədri və Rusiyada “Solidarnost” Demokratik Hərəkatının Koordinasiya Komitəsinin üzvü olan Boris Nemtsov Rusiyanın demokratikləşməsi uğrunda mübarizənin liderlərindən biri idi. B.Nemtsov həmçinin Rusiya demokratlarının postsovet məkanındakı aparıcı demokratik qüvvələrlə, o cümlədən Müsavat Partiyası ilə əlaqələrə xüsusi önəm verən liderlərdən olub.
Rusiyada prezident Putinin əsas rəqiblərindən olan Nemtsovun qətlə yetirilməsi yalnız Rusiya üçün yox, bütün dünyada demokratik dəyərlər uğrunda mübarizə aparanlara zərbədir.
Müsavat Partiyası bu ağır gündə Rusiyanın demokratik qüvvələrinə dəstəyini bildirir, bütün demokratik qüvvələri bəyan etdikləri hədəflər uğrunda daha qətiyyətlə mübarizə aparmağa çağırır.
Müsavat Partiyası mərhumun silahdaşlarına və yaxınlarına baş sağlığı verməklə yanaşı, bu amansız qətlin sifarişçilərinin və icraçılarının dərhal tapılaraq cəzalandırılmasını tələb edir”. (qafqazinfo.az)
pia.az
Digərxəbərlər
Populyar xəbərlər
