Azərbaycanda bu ilin avqust ayı ərzində 75 qida zəhərlənməsi faktı qeydə alınıb
Səhiyyə Nazirliyi Respublika Gigiyena və Epidemiologiya Mərkəzindən AzVision.az-a verilən məlumata görə, ümumlikdə isə ötən ay ərzində 190 nəfər qidadan zəhərlənib.
Ötən müddət ərzində ölkə üzrə qeydə alınan 2 botulizm hadisəsi nəticəsində 2 nəfər botulizmlə xəstələnib.
Qida zəhərlənmələri əsasən ev şəraitində hazırlanan qidalardan, kustar üsulla hazırlanmış konservləşdirilmiş məhsullardan baş verib.
Avqust ayı zəhərlənmələrin sayına görə digər aylardan fərqlənib.
pia.az