Bu gün yenidən yaradılan "Şuşa-Qarabağ" klubunun Azərbaycan çempionatına buraxılmaması barədə xəbər yazmışdıq
Bu kluba 250 min manat bank zəmanəti gətirilməyəcəyi halda çempionata buraxılmayacağı bildirilmişdi.
Həmçinin başqa klublardan daha az məbləğ istənildiyi, "Şuşa-Qarabağ"a dair belə sərt tələbin qoyulmasının səbəblərini isə PFL prezidenti Ramin Musayevin bu komandanın baş məşqçisi Nadir Qasımovla ötən ildən qalan ədavətində axtarmalı olduğunu xəbər vermişdik.
Qaynarinfo.az obyektivliyi təmin etmək məqsədilə PFL ilə əlaqə saxlayıb. Qurumun İnformasiya və İctimaiyyətlə Əlaqələr Departamentinin rəhbəri Aslan Şahgəldiyev bu barədə bunları dedi:
"Biz I dəstədə çıxış etmək istəyən bütün klublara 2 variant təklif edirik. Ya klub öz sponsorunu göstərən sənəd, ya da 250-300 min manatlıq bank zəmanətini təqdim etməlidir. Çünki əvvəlki illərdə bu bank zəmanətinin olmadığı halda acısını çəkmişik. Məsələn, "Həkəri" klubu bank zəmanəti olmadığından, IX turda çempionatda çıxışını dayandırdı. Ona görə də bütün klublar maliyyə mənbəyini göstərməlidir ki, sponsorun maddi vəziyyəti pisləşib futbolçularına pul verə bilməyəndə bankdakı 300 min manatdan yararlana bilsin. İstəmərik ki, hansısa komanda "Həkəri"nin gününə düşsün. "Şərurspor"u I dəstəyə buraxmayanda az qala bütün mətbuat bizi qınayırdı ki, bölgə klubunun çıxışına maneçilik yaradırsınız. Ancaq "Şərurspor" rəhbərliyi bizə bank zəmanəti gətirdikdən sonra bu klubun ötən mövsüm çıxışına icazə verdik. Bu üzdən də "Şuşa-Qarabağ"la bağlı hər hansı ayrı-seçkilikdən söhbət gedə bilməz".
pia.az
Digərxəbərlər
Populyar xəbərlər
