Noyabrın 13-də Fransanın paytaxtı Parisdə 150 nəfərə yaxın insanın həlak olması ilə nəticələnən dəhşətli terror aktı törədildi
Fransa prezidenti Fransua Olland ölkədə 3 günlük matəm elan etdi. Bu hadisədən sonra Fransada təhlükəsizlik qüvvələri 3 aylıq fövqəladə vəziyyət elan etdilər.
Dünyanı sarsından bu olayın arxasında özlərini İslamçı adlandıran terror qruplarının olduğu ilə bağlı iddialar Avropa ölkələrində müsəlmanlara qarşı münasibətin dəyişməsi üçün yetərli oldu.
Fransua Olland çıxışında bu məqama toxunaraq terror hadisəsinin arxasında terrorçu İŞİD qruplaşmasının dayandığını bildirdi. Bununla da Fransada müsəlmanlara qarşı kampaniya başladı. Kanadada məscid yandırıldı. Fransada müsəlmanlar təqib edildi.
Bəs görəsən, Avropada baş verən terror aktlarında niyə hər zaman müsəlmanlar günahlandırılır? Konkret olaraq Parisdə baş verən terrorun günahkarı həqiqətən də müsəlmanlardırmı? Yoxsa bütün bu hadisələr İslamı gözdən salmaq üçün bir təxribatdır?
Musavat.com olaraq, bu suallarla bağlı Bakı sakinlərinin rəyini öyrənmək üçün paytaxt əhalisi arasında sorğu keçirdik. Sorğunun iştirakçılarından əksəriyyəti bunun İslam dininə qarşı təxribat olduğunu, İslamın terror deyil, barış dini olduğunu vurğuladılar. (musavat.com)
pia.az