Bu gün paytaxtın Binəqədi rayonu, 7-ci mikrorayon ərazisində təbii qazın verilişi dayandırılıb
Sakinlərin Publika.az-a verdiyi məlumata görə, təbii qazla bağlı tez-tez belə problemlər yaranır. Bu gün isə heç bir xəbərdarlıq edilmədən qaz verilişi dayandırılıb.
“Azəriqaz” İB-nin mətbuat xidmətinin rəhbəri İbrahim Kərbəlayev Publika.az-a açıqlamasında bildirib ki, həmin ərazidə təbii qazın verilməsində yaranan problem qəza ilə əlaqədardır: “İri diametrli qaz borusunun üzərində yerləşən qaz xəttində baş verən qəza səbəbindən paytaxtın Binəqədi rayonu, 7-8-ci mikrorayonlarının bir hissəsinə və Biləcəri qəsəbəsinə təbii qazın verilişində problem yaranıb. Hazırda qəza baş vermiş ərazidə təmir aparılır. Təbii qazın verilişinin bu gün bərpa edilməsi planlaşdırılır”.
İ.Kəlbiyev 7-ci mikrorayon ərazisində təbii qazın verilişində tez-tez məhdudiyyətlərin olmasını planlı şəkildə aparılan profilaktik və təmir işləri ilə əlaqədar olduğunu deyib.
pia.az
Digərxəbərlər
Populyar xəbərlər
