Məşhur amerikalı politoloq Pol Qobl hesab edir ki, ABŞ-ın Azərbaycanla münasibətləri ilə Dağlıq Qarabağ münaqişəsinə dair mövqeyi qarşılıqlı asılıdır
Pol Qobl Ermənistanın müxalifyönümlü 1in.am portalına müsahibəsində bu haqda danışıb. O, jurnalistin ABŞ-la Azərbaycan arasında münasibətlərin o qədər də yaxşı olmadığı indiki vaxtda Vaşinqtonun Ermənistana daha çox maraq göstərdiyi barədə qənaətini bölüşmədiyini deyib.
Politoloqun fikrincə, bu iki məsələ arasında əlaqə yoxdur. Çünki ABŞ Azərbaycan və Ermənistanla ikitərəfli münasibətlərinə həmişə ayrı-ayrılıqda baxır. “Yəni bir ölkə ilə münasibətlərdə mənfi nəsə baş verirsə o demək deyil ki, ABŞ-ın o biri ölkə ilə münasibətlərində hökmən müsbət nəsə baş verməlidir. Lakin o ayrı məsələdir ki, Vaşinqtonun bu ölkələrdən biri ilə münasibətlərinin korlanmasından istifadə edən digər ölkə öz təsirini genişləndirmək imkanı əldə edir”-Pol Qobl deyib.
“Mən hesab edirəm ki, Qarabağ problemi ilə ABŞ-Azərbaycan münasibətlərini yenidən qiymətləndirmək lazım deyil. Aydındır ki, Vaşinqton Qarabağ probleminin həllini istəyir. Bu belədir və son 25 il ərzində də belə olub. Mən ümid edirəm ki, bu problemi həll etmək olar, hərçənd bu gün mən problemin həllinin yaxın olduğuna şübhə edirəm”-amerikalı politoloq əlavə edib.
Pol Qobl hesab edir ki, beynəlxalq təcrid vəziyyətindən çıxan İran bölgədə fallaşacaq. Ancaq İranın Minsk Qrupunun üzvü olması mümkün deyil. “Bununla belə hesab edirəm ki, İran nizamlama prosesində yerini tutmaq üçün təzyiqlər edəcək, bu da sonra ATƏT-in bu orqanının başqası ilə əvəzlənməsinə gətirib çıxaracaq”-Pol Qobl deyib.(virtualaz.org)
pia.az
Digərxəbərlər
Populyar xəbərlər
