Sahib Kərimli: “Hüququm və iradəmdən kənar maraqlar var”
Bu gün AXCP-nin sabiq şöbə müdiri Ağaşirin Tanrıverdioğlunu döydüyünə görə 18-ci polis bölməsinə çağırılan partiyanın Rəyasət Heyətinin üzvü Sahib Kərimli sərbəst buraxılıb.
Bu barədə müsavat.com-a AXCP funksionerinin özü məlumat verib:
“18-ci bölməsinin təhqiqatçısı Emin Quliyev məndən izahat aldıqdan sonra sərbəst buraxıldım. Yenə çağırılacağımı dedi. Hadisə baş verdikdən sonra paylaşdığım statusu olduğu kimi izahat şəklində yazdım. Hüququm və iradəmdən kənar maraqlar var.
Hadisədən yararlanmaq istəyən fərqli kəsimlər, siyasi maraqları baxımından faydalanmağa, şübhələr oyatmağa, məsələləri fərqli müstəviyə çəkməyə çalışanlar var. Bütün bunlarla bağlı araşdırma apardıqdan sonra geniş açıqlama verəcəm”. (musavat.com)
pia.az