Qabil Hüseynli: “Qərb ölkələrinin apardığı siyasətə təəccüblü qalıram. Qərb ölkələri, xüsusən Amerika Birləşmiş Ştatları bəyanət verir ki, prosesi nizamlamaq üçün birinci növbədə ermənilər işğal etdikləri ərazilərdən qoşunlarını çıxartmalıdır. Hal-hazırda isə atəşkəs rejimini möhkəmləndirməklə məşğuldurlar”
Araz Əlizadə: “Mən bilirəm ki, müharibəsiz Qarabağı almaq mümkün deyil”.
Qeyd edək ki, prezidentlərin görüşündən sonra ATƏT-in Minsk Qrupu Vyana danışıqlarının yekunlarına dair bəyanat yayıb. İlkin baxışda bəyanatdan belə görünür ki, yenə də danışıqlarda hansısa irəliləyişə nail olunmayıb. Prezidentlərin görüşü müharibə riskini azaltdı, yoxsa müharibə riski hələ də böyükdür?
PİA.AZ-ın əməkdaşı bu mövzunu politoloq Qabil Hüseynli və Sosial Demokrat Partiyasının (ASDP) sədri, Milli Məclisin deputatı Araz Əlizadə ilə müzakirə edib.
Qabil Hüseynli: “Deyirlər ki, siz torpağınızı işğal edən düşmənə atəş açmaq hüququna malik deyilsiz, hətta o sizə atəş açsa belə...”
Qabil Hüseynli Qərbi təzadlı bəyanatlar verməkdə günahlandırır. Qərbin əvvəlki bəyanatlarında məsələnin həlli üçün ermənilərin işğal etdikləri torpaqlardan qoşunlarını çıxarmalı olduğunu deyirdisə, indi atəşkəsin bərpası barədə danışıqlar aparır:
“O qədərdə nikbin qənaətdə deyiləm. Çünki danışıqlar daha çox atəşkəs rejiminin möhkəmləndirilməsi, üstəlik bu rejimə nəzarət sisteminin yaradılması və bu monitorinq sisteminə lazım olan cihazlarla və ona qulluq edəcək təlimatçılarla təmin edilməsinə yönəldilib. İyun ayında yenidən prezidentlerin görüşü planlaşdırlır. Məsələ burasındadır ki, Vyana görüşünə bu qədər adam yığışıb, amma heç bir nəticə almayıb. Onlardan soruşmaq lazımdır ki, atəşkəs rejimini kim pozur, kim kimin torpağındadır?
Deyirlər ki, siz torpağınızı işğal edən düşmənə atəş açmaq hüququna malik deyilsiz. Hətta o size atəş açsa belə... Danışıqlar prosesi zamanı bizim əsgərlərimiz öldürüldü. Qərb ölkələrinin apardığı siyasətə təəccüblü qalıram. Qərb ölkələri, xüsusən Amerika Birləşmiş Ştatları bəyanət verir ki, prosesi nizamlamaq üçün birinci növbədə ermənilər işğal etdikləri ərazilərdən qoşunlarını çıxartmalıdır. Hal-hazırda isə atəşkəs rejimini möhkəmləndirməklə məşğuldurlar. Ermənilərin torpaqda nə işi var ki, atəşkəs rejimin yaradılmasından da danışılır?.
Birinci növbədə demək istəyirəm ki, Rusiya, Fransa və digər ölkələr qıçınızı ayağınıza bağlayın. Nə Ermənistan, nə də buradakı torpaqlar heç vaxt qaraçı erməni millətinin torpağı olmamışdır. Mesopotomiyadan gəlmiş ermənilər bu bölgədə yaşayan aborogen xalqlara zülm edib. Siz də bunu müdafiə edirsiniz. Bu necə beynəlxalq hüquq sistemi və BMT qurumudur ki, onun qətnamələrinə məhəl qoyulmur. Hər halda bizim prezidentin xarici siyasət xəttini bilməsinə arxayınam. Prezident bu məsələlərdə güclü mövqe tutmağı bacaracaq. Hər halda ilkin nəticələr ürəkaçan deyil.
Müharibə etsək də , bütün dünya bizə qarşı qalxacaq. Hər yerdə bir saziş imzalayırıq. Sonra da həmin sazişlərin qurbanına çevrilirik. "Madrid prinsipləri"ni imzaladıq. Referenduma, bölgəyə sülhməramlı qüvvələri gətirməyə razılaşdıq. İndi də atəşkəs rejiminin daha da möhkəmləndirilməsinə razı oluruq. Üstəlik bura it az imiş kimi, biri də gəmi il gəlir. Monitorinq sisteminə nəzarət edən adamlar boxçaları ilə birgə bura gələcək, təmas xətti boyunca yerləşəcək. İlk nəticələr optimist qənaətlər doğurmur”.
Araz Əlizadə : “Əgər biz torpaqları qaytarmaq istəyiriksə, müharibə labüddür”.
Sosial Demokrat Partiyasının (ASDP) sədri, Milli Məclisin deputatı Araz Əlizadə müharibəsiz Dağlıq Qarabağı almağın mümkün olmadığını hesab edir:
“Mən prezidentin mətbuat xidmətinin açıqlamasını gözləyirəm ki, dəqiq bilim orda nədən danışılıb. Mən görüşdən əvvəl də bildirmişdim ki, heç bir nəticə alınmayacaq. Sonda da göründü ki, mən haqlı imişəm. Mən bilirəm ki, müharibəsiz Qarabağı almaq mümkün deyil.
ATƏT-in Minsk Qrupu həmsədrlərinin ortaq bəyanatı münaqişənin həlliylə bağlı yenə əsaslı razılaşmaya gələ bilmədiklərini göstərir. Vyana görüşü gözlədiyim kimi nəticələndi. Yəni heç nə ilə nəticələnmədi. Lakin tərəflər bəyan edirlər ki, sülh yolu ilə bu məsələni həll edəcəklər. Necəsini mən bilmirəm. Əgər biz torpaqları qaytarmaq istəyiriksə, müharibə labüddür”.
Sübü Əzizova
pia.az