Qazax şəhərindən 19 km şimal-şərqdə zəlzələ baş verib
PİA.AZ Fövqəladə Hallar Nazirliyinə istinadən xəbər verir ki, nazirliyin Böhran Vəziyyətlərində İdarəetmə Mərkəzinə Azərbaycan Milli Elmlər Akademiyası Respublika Seysmoloji Xidmət Mərkəzindən daxil olmuş məlumata əsasən, 23 sentyabr 2014-cü il tarixində Bakı vaxtı ilə saat 02:05-də Qazax şəhərindən 19 km şimal-şərqdə zəlzələ qeydə alınıb.
Episentrdə zəlzələ 3,2 maqnituda olmuşdur. İnsan tələfatı və dağıntı barədə məlumat daxil olmayıb.