Üçüncü fəndən açıq tipli test tapşırıqlarının istifadəsi planlaşdırılır
2015-ci ildə ali məktəblərə qəbul imtahanlarında test tapşırıqlarında dəyişiklik olacaq. Belə ki, uyğunluğu müəyyən etmək tapşırıqlarının sayının bir ədəd azaldılması və hər ixtisas qrupunda üçüncü bir fəndən açıq tipli test tapşırıqlarının istifadəsi planlaşdırılır. Bunu Tələbə Qəbulu üzrə Dövlət Komissiyasının sədri Məleykə Abbaszadə bu günki mətbuat konfransında deyib.
Gələn ilki qəbul imtahanlarında hər ixtisas qrupunda üç fənn üzrə hər birində 4 ədəd test tapşırığının istifadəsi nəzərdə tutulur. Gələn il I ixtisas qrupunda riyaziyyat, kimya, fizika, II ixtisas qrupunda riyaziyyat, coğrafiya, ana dili, II qrupda riyaziyyat, tarix, ana dili, IV ixtisas qrupunda isə riyaziyyat, kimya, biologiya fənləri üzrə açıq tipli test tapşırıqları tətbiq olunacaq.
Bu yenilik test bloklarının mürəkkəblik dərəcəsinə təsir etməyəcək.
pia.az