ATƏT-in Media azadlığı üzrə nümayəndəsi Dunya Miyatoviç və İnsan Hüquqları üzrə Avropa komissarı Nil Mujnieks bu gün Xədicə İsmayılovanın 7,5 il azadlıqdan məhrum edilməsini qınayıb
Turan-ın məlumatına görə, onların birgə bəyanatında deyilir ki, hakimiyyət Azərbaycanda tənqidi səsləri susdurmaqda davam edir. “İsmayılovaya qarşı ədalətsiz məhkəmə aydın şəkildə göstərir ki, Azərbaycan hakimiyyəti tənqidi səsləri susdurmağa davam edir. Mən yenidən hakimiyyəti jurnalistlərə qarşı təzyiqləri dayandırmağa çağırıram”, deyə Miyatoviç bildirib.
“Xədicə İsmayılova tənqidi səsləri bir-birinin ardınca susmağa vadar edən ölkədə araşdırmaçı jurnalist kimi cəsarətli işinə görə cəza çəkir. Bu, Azərbaycanda demokratiya və qanunun aliliyinə və insan hüquqlarına hörmətə zərbədir,” - deyə öz növbəsində Mujnieks qeyd edib.
ABŞ-da yerləşən Jurnalistləri Müdafiə Komitəsi də hökmü pisləyib, İsmayılovanın işi üzrə prosesi “məzhəkə” adlandırıb və hakimiyyəti hökmü ləğv etməyə çağırıb.
pia.az
Digərxəbərlər
Populyar xəbərlər
