Dekabr ayının 17-də Azərbaycan Demokratiya və Rifah hərəkatının (ADR) Təşkilat Komitəsinin ilk toplantısı keçirilib
Bu barədə AzNews.az-a Müsavat partiyasının üzvü Vurğun Əyyub məlumat verib.
Onun sözlərinə görə, toplantıda Təşkilat Komitəsinin təsis konfransının çağırılmasına qədər qarşısında duran vəzifələr və cari məsələlər müzakirə olunub. İclasa sədrlik edən Vurğun Əyyub deyib ki, birinci məsələ üzrə TK üzvlərinin sayına dəyişiklik edilib, Müsavat partiyası Məclisinin keçmiş katibi Arifə Hüseynli və Müsavat partiyasının üzvü Samir Abbaslı TK-nə yeni üzv seçilib.
A.Hüseynli eyni zamanda TK-nın katibi vəzifəsinə təyin edilib. Daha sonra TK-nin sədri vəzifəsinə Qubad İbadoğlunun namizədliyi irəli sürülüb və bu yekdilliklə qəbul olunub.
Onu da qeyd edək ki, iclasda TK sədrinə üç müavin- Vurğun Əyyub, Ədalət Yusibov və Səxavət Əlisoy seçilib.
Sonda isə qarşıda duran vəzifələr geniş şəkildə müzakirə edilərək təsis konfransının və ya ümüumi yığıncağının tezliklə keçirilməsi üçün görüləcək işlərin təxmini dairəsi müəyyənləşdirilib.
Digərxəbərlər
Populyar xəbərlər
