Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Rəsul Quliyevdən Vasim Məmmədəliyevə tənqid: “Adəm və Həvva əfsanədir“

“Heç 2-ci sinif şagirdi olan uşaq da belə fərziyələr irəli sürməməlidir”


Şərqşünas alim, akademik Vasim Məmmədəliyevin aznews.az saytına verdiyi müsahibə sosial şəbəkələrdə geniş müzakirələrə səbəb olub.

Müzakirələrdə akademikin fikirlərinin reallıqla uzlaşmadığı, rasionallıqdan və elmilikdən uzaq olduğu vurğulanır.

Qeyd edək ki, Vasim Məmmədəliyev insanların cinlərlə evlənərək çoxaldığını bildirib. O həmçinin deyib ki, Həvva iki-iki doğurmuş - bir oğlan, bir də qız. Birinci qarında olan oğlan, ikinci qarında olan qızla evlənirmiş. 

Akademikin bu cür açıqlamalarına dini mövzularda qalmaqallı fikirlər səsləndirən, eks-spiker Rəsul Quliyev reaksiya verib.

Rəsul Quliyev Modern.az saytına açıqlamasında bildirib ki, möhtərəm alimin dinlərin yaradılmasında istifadə edilən möcüzə, əfsanə və mifləri həqiqət və reallıq kimi qəbul etməsi akademikin biliyinə çox böyük şübhə yaradır.

R.Quliyevin sözlərinə görə Allahın Adəm və Həvvanı yaratması məsələsi əfsanədən başqa bir şey deyil.

“Allahın ilk insanlar kimi Adəm və Həvvanı yaratması fikri əfsanədir. Bu, “hər şey Allahın iradəsinə tabedir” fikrini təsdiqləmək üçün ortaya atılan bir iddiadır. Bunu ciddi qəbul etmək və arxasınca Həvvanın əkiz doğması və sair kimi `lətifələr` haqqında fikir söyləmək çətindir”,-deyə Rəsul Quliyev bildirib.

Eks-spiker “Quran”ın yazılması məsələsinə də toxunub. Onun fikrincə, “Quran” özündən əvvəlki “Tövrat” və “İncil”dən götürülən materiallar əsasında yazılıb.

“Ümumiyyətlə, “Quran” yazılı şəkildə Məhəmməd peyğəmbər vəfat edəndən 30 il sonra meydana çıxıb. Əsas əfsanə və miflərin hamısı “Tövrat” və “İncil”dən götürülüb. O cümlədən Həvva məsələsi.

Yazılı “Quran” Məhəmməd peyğəmbərin şifahi dediklərinin dövrünün alim və talantlı şairləri tərəfindən işlənilməsi və korrektə olunmasından sonra ortaya çıxıb.

“Quran” o dövrdə insanların müəyyən bir qanunlar çərçivəsində yaşaması üçün ana yasadır. Onun unikallığı 1400 il bundan öncə yazılmasına baxmayaraq, bu günə qədər aktuallığını itirməməsidir. İnsanlarla cinlərin cütləşməsi, Həvvanın əkiz doğması və ya Məhəmməd peyğəmbər namaz qılanda altına nəsə bir predmet qoyanın adının “Quran”a düşməsi kimi fərziyələri alim yox, 2-ci sinif şagirdi olan uşaq da irəli sürməməlidir”.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Uçot dərəcəsi endirilir, amma kredit faizləri azalmır. Nədən...

Qədr gecəsinin əməlləri: “İmkanı olanların süfrə açması məsləhətdir” 

Ən çox oxunanalar