Rusiyanın baş naziri Dmitri Medvedev Suriyada aviasiya güclərinin yerləşdirilməsi ilə bağlı razılaşmanı prezident Vladimir Putinə təqdim edəcək
Publika.az “İnterfaks” agentliyinə istinadən xəbər verir ki, bu haqda hüquqi informasiyanın rəsmi internet-portalında dərc edilmiş hökumət qətnaməsində deyilir.
Razılaşma Dəməşqdə 26 avqust 2015-ci il imzalanıb və 2016-cı ilin yanvarında hüquqi informasiyanın rəsmi portalında dərc edilmişdi. Sənəddə deyilir ki, razılaşma müddətsizdir.
Razılaşmanı şərh edən Rusiya Federasiya Şurasının beynəlxalq işlər üzrə komitənin başçısı Konstantin Kosaçev sənəd unikal və analoq adlandırıb.
“Çünki, Rusiyanın uzaq xaricdə bazaları yoxdur. Bu bazalar Ermənistan, Tacikistan və başqa post-sovet dövlətlərinin ərazisində qalıb. Amma uzaq xaricdə - Kuba və Vyetnamda olan bazalan bağlanıb”, - senator deyib.
Öz növbəsində Rusiya Müdafiə Nazirliyinin beynəlxalq müqavilər idarəsinin sabiq müdiri general-leytenant Yevgeni Bujinski bildirib ki, Latakiyada Rusiya aviasiya güclərinin yerləşdirilməsi haqqında Rusiya-Suriya razılaşmasının elan olunmasında qeyri-adi heç nə görmür. O, əlavə edib ki, indiyə qədər oxşar sənədlər məxfi xarakter daşıyırdı. Razılaşmada qeyd edilir ki, Dəməşq Rusiya aviasiyasının əməliyyatlarının gedişatında vurulan zərərlərə görə üçüncü tərəflərin istənilən iddialarını üzərinə götürür. General bunun tamamilə normal olduğunu deyib.
pia.az