Buryatiya Respublikasının paytaxtı Ulan-Ude şəhərində azərbaycanlının qətlə yetirilməsi faktı ilə bağlı cinayət işi qaldırılıb
Gün.Az Rusiya İstintaq Komitəsinin respublika üzrə İstintaq İdarəsinə istinadən xəbər verir ki, həmyerlimizin meyiti şəhərin Jeleznodorojnı rayonunda Qaqarin küçəsində yerləşən evlərdən birinin qarşısında aşkar edilib.
İdarənin məlumatına görə, o, gecə saatlarında dostları ilə işdən qayıdırmış. Bu anda üç maskalı şəxs dostlara hücum edərək onları dəyənəklə döyməyə başlayıb. Dava vaxtı hücum edənlərdən birinin maskasını çıxartmaq mümkün olub ki, bu da zərərçəkənin həmyerlilərindən biri olub.
Həmin zaman hücum edən şəxslər tərəfindən iki atəş səsi eşidilib. Güllələrdən biri zərərçəkənin sinə nayihəsinə tuş gəlib və o keçinib. Bu hadisədən sonra canilər cinayət yerini tərk ediblər.
Cinayətin başvermə şəraiti öyrənilir.