Qəsəbələri su ilə təmin edən nasos stansiyasında əsaslı yenidənqurma işləri aparılacaq
Goradil qəsəbəsinin içməli su təchizatının yaxşılaşdırılması məqsədilə qəsəbəni su ilə təmin edən nasos stansiyasında əsaslı yenidənqurma işləri aparılacaq və Ceyranbatan-Maştağa magistral xəttindən nasosxanaya yeni birləşmə veriləcək.
“Report”a “Azərsu” ASC-nin ictimaiyyətlə əlaqələr şöbəsindən bildirilib ki, bununla əlaqədar Ceyranbatan-Maştağa magistral xətlərinin biri ilə içməli suyun verilməsi dayandırılacaq.
Yenidənqurma işləri ilə əlaqədar “Azərsu” abunəçilərə bildirir ki, mayın 24-də saat 00:00-dan etibarən gün ərzində Novxanı, Fatmayı, Goradil qəsəbələrinə, bağ massivlərinə, Mehdiabad, Pirşağı, Kürdəxanı, Sabunçu və Suraxanı qəsəbələrinin bir hissəsinə içməli suyun verilməsində məhdudiyyətlər olacaq.
Yaranacaq narahatlıqla əlaqədar ASC abonentlərdən üzr istəyir.
pia.az
Digərxəbərlər
Populyar xəbərlər
