Ötən gecə Bakının Nizami rayonunda bıçaqlanma hadisəsi olub
PİA.AZ kəpəz-ə istinadən xəbər verir ki, hadisə rayonun Keşlə qəsəbəsində qeydə alınıb. Qəsəbə sakini 31 yaşlı İsmayıl İbrahimov əvvəllər də tanıdığı şəxs tərəfindən bıçaqlanıb. Yaralı ətrafdakıların köməyi ilə 3 saylı Sabunçu Xəstəxanasına çatdırılıb. Yaralı təcili əməliyyat olunub. Xəstəxanadan verilən məlumata görə, İsmayıl İbrahimov bel nahiyəsindən bir neçə bıçaq zərbəsi alıb. Reanimasiya şöbəsinə yerləşdirilən xəstənin vəziyyəti orta-ağırdır. İlkin ehtimala görə, tanışlar arasında mübahisə şəxsi münasibətlər zəminində baş verib.
Faktla bağlı Nizami Rayon Polis İdarəsində araşdırma aparılır.
pia.az