Bu yaxınlarda “Dağlıq Qarabağ Respublikası”na səfər etmiş rusiyalı politoloq və şərqşünas Yevgeni Satanovski buna görə adının Azərbaycanın “qara siyahı”sına salınmasından qətiyyən narahat deyil
Virtualaz.org bildirir ki, məlumatı life.ru saytı yayıb.
Politoloq bildirib ki, o, məmurların iştirakı olmadan “DQR”-ə gedib-getməmək məsələsini özü həll edir.
“Vaxtilə mənə o qədər insan göstəriş verməyə cəhd edib ki, hara getmək olar, hara yox. İndi onlar haradadır? Mən nə vaxt istədim, onda da Qaz sektoruna getdim. Və mənim üçün fərqi yox idi ki, İsrail XİN-i buna necə reaksiya verəcək. Başqa yerlərə gedəndə də həmçinin... Bu mənim işim və mənim haqqımdır. Heç bir ölkənin heç bir XİN-i mənə göstəriş verə bilməz ki, mən Dağlıq Qarabağa gedim ya getməyim”, - deyə şərqşünas vurğulayıb.
Xatırladaq ki, Yaxın Şərq İnstitutunun prezidenti Yevgeni Satanovski bir həftə öncə Azərbaycanın işğal olunmuş ərazilərinə səfər edib. O, Dağlıq Qarabağda qondarma rejimin nümayəndələri ilə bir sıra görüşlər keçirib.
Azərbaycan Xarici İşlər Nazirliyinin mətbuat katibi Hikmət Hacıyev isə dünən verdiyi açıqlamada bildirmişdi ki, Rusiyalı şərqşünas Yevgeni Satanovskinin adı “arzuolunmaz şəxslər” siyahısına daxil ediləcək.
Onun sözlərinə görə, Y. Satanovskinin Dağlıq Qarabağa səfəri qanunsuzdur və o, bu səfəri ilə Azərbaycanın “Dövlət sərhədi haqqında” qanununu və Miqrasiya Məcəlləsinin tələblərini pozub.
pia.az
Digərxəbərlər
Populyar xəbərlər
