Ukrayna ordusunun pilotu Nadejda Savçenko Rusiya prezidenti Vladimir Putinə onu əfv etdiyinə görə minnətdarlığını birdirməkdən imtina edib
Modern.az xəbər verir ki, Savçenko bu haqda “Dojd” telekanalına müsahibəsi zamanı bildirib.
“Mən azadlığa çıxdığıma görə, ona təşəkkür etməyəcəm. Çünki azadlığı elə o, əlimdən almışdı. Putin sadəcə olaraq öz səhvini düzəldib”, deyə ukraynalı pilot vurğulayıb. Savçenko deyib ki, o, Putinə yalnız azadlığa buraxılan digər ukraynalılara görə təşəkkür edə bilər.
Nadejda Savçenko 2014-cü ilin yayında Ukraynanın şərqində 2 rusiyalı jurnalistin ölümünə səbəb olmaqda ittiham edilirdi. Rusiya məhkəməsinin hökmü ilə o, 22 il azadlıqdan məhrum edilmişdi.
Savçenko bu il mayın 25-də Putinin əfv sərəncamı ilə azad olunaraq, Rusiyadan Ukrayna göndərilib.
pia.az