Seçiciləri Kərəm Həsənovun qardaşına qarşı imza toplayır

Cəlilabadlılar deputata qarşı imza toplamağa başladı

67 saylı Cəlilabad şəhər seçki dairəsindən növbəti dəfə deputat seçilməyə çalışan Malik Həsənov şok vəziyyətlə üzləşib

PİA.AZ bildirir ki, Jam.az-a verilən məlumata görə, komitə sədri Kərəm Həsənovun qardaşı YAP-ın siyahısından namizəd olmasına baxmayaraq, əhali tərəfindən qəti şəkildə qəbul edilmir.

Məlumatda deyilir ki, Malik Həsənov yerli DSK-ya sənədlərini təqdim edərək, 450 imzanın topladılması prosesində belə iştirak etməyib. Belə ki, yerli icra orqanları onun üçün imzaları topladaraq, imza vərəqlərinə imza atması üçün Bakıya göndəriblər.

Daxil olan məlumatda deyilir ki, Cəlilabad əhalisi isə Malik Həsənovun onlar üçün deputatlıq etmədiyini bildirir və növbəti seçkilərdə səs vermək niyyətində olmadıqlarını vurğulayırlar. Gələn xəbərlərə görə, hətta xeyli sayda insan Həsənovun yenidən seçilməsinə etiraz olaraq imza toplamağa belə başlayıblar.

Həmin bilgilərə görə, hazırda rayonda toplanan imzalar YAP-a göndəriləcək və hakim partiyadan xahiş olunacaq ki, onun namizədliyini geri çəksin.

Məsələ ilə bağlı araşdırmamız davam edir.

pia.az